第一郡

營業中

休息中

夜晚本身諗住喺油麻地旺角附近掃街，突然之間屋企人話好想食越南菜，於是上網搵吓見到第一郡喺我哋附近於是去試吓。餐廳位於2樓一上電梯已經有人喺度排隊，我同屋企人等咗10分鐘到就有枱。餐廳佔地全層我同屋企人叫咗一個烤豬肉法包，扎肉撈檬，香茅雞翼，荔枝卷一齊share你試吓。烤豬肉法包非常香脆，黑豬肉亦有炭燒味道配上酸蘿蔔及其他蔬菜配料係我喺香港食過最好味嘅越南法包。扎肉撈檬份量10分驚人。平時其他越南餐廳扎肉只係得幾片誰不知第一郡扎肉係厚切條狀份量10分誇張撈檬已經調校好味道酸甜味剛好。大蝦米紙卷及香茅雞翼亦非常有特色。大蝦米紙卷醬汁用上花生醬酸蘿蔔混合而成比起平時用酸醋增添風味。我哋做叫咗個特色甜品斑斕綠豆糕，餐廳自家製食綠豆綿滑，濃濃的斑斕香氣非常煙靭好食。一人叫咗一個椰皇餐廳嘅椰皇非常巨大跟椰青的size差唔多大。