影片
更多
2024-11-07
1067 瀏覽
喺重慶大廈開咗好耐嘅印度餐廳。印象中今次係第三或者第四次食。今次去大多數食客都係香港人。原來佢哋都幾多staff識講廣東話😮。🌟南印度捲餅$78米餅配三款chutneys～米餅係邊位脆，中間厚啲嘅位係有啲鬆軟。味道甜甜地，令我諗起港式嘅pancake。包住咖哩薯仔，有濃濃嘅香料味，唔使加好多chutneys都夠味。不過我哋一致認為紅色微辣勁香最好味。🌟芝士菠菜$98幼滑溫和，香料味好豐富。印度芝士嘅份量特別多。我鐘意佢冇加新鮮薑絲，唔使挑返出嚟🤣。🌟瑪莎拉咖喱羊（可選辣度）$118Bite size嘅羊肉煮得好腍好入味。香料味道超濃郁，而且羊脂嘅味道融晒落咖喱裏面。🌟原味烤餅$25🌟蒜香烤餅$35一份三塊，因為佢哋嘅咖喱特別大份，我覺得一份咖喱兩份餅啱啱好。蒜香加任何咖喱都好夾。但原味係最輕盈唔油膩。🌟Mango lassi $42🌟Salted lassi $42
喺重慶大廈開咗好耐嘅印度餐廳。印象中今次係第三或者第四次食。今次去大多數食客都係香港人。原來佢哋都幾多staff識講廣東話😮。
🌟南印度捲餅$78
米餅配三款chutneys～米餅係邊位脆，中間厚啲嘅位係有啲鬆軟。味道甜甜地，令我諗起港式嘅pancake。包住咖哩薯仔，有濃濃嘅香料味，唔使加好多chutneys都夠味。不過我哋一致認為紅色微辣勁香最好味。
🌟芝士菠菜$98
幼滑溫和，香料味好豐富。印度芝士嘅份量特別多。我鐘意佢冇加新鮮薑絲，唔使挑返出嚟🤣。
🌟瑪莎拉咖喱羊（可選辣度）$118
Bite size嘅羊肉煮得好腍好入味。香料味道超濃郁，而且羊脂嘅味道融晒落咖喱裏面。
🌟原味烤餅$25
🌟蒜香烤餅$35
一份三塊，因為佢哋嘅咖喱特別大份，我覺得一份咖喱兩份餅啱啱好。蒜香加任何咖喱都好夾。但原味係最輕盈唔油膩。
🌟Mango lassi $42
🌟Salted lassi $42
張貼
