蘇媽.蘇媽馬來西亞茶餐室

營業中

休息中

心血來潮想食肉骨茶，嚟咗好多人推介嘅蘇媽蘇媽試試佢個百吉爹肉骨茶，果然不負所望！食之前先飲肉骨茶個湯先～熱辣辣嘅肉骨茶好香藥材味，好有馬來西亞風味😆 肉方面有幾款可以揀，我就揀咗一字骨，唔會太肥太膩，肉嘅份量多，肉夠稔又入味，好食！仲有啲豆腐卜吸埋肉骨茶湯嘅味，正！另外加埋油炸鬼配肉骨茶，脆身嘅油炸鬼配香氣撲鼻嘅肉骨茶，非常滿足～嘢飲方面，我就揀咗熱嘅馬來西亞奶茶～茶香夠濃，茶奶嘅份量平衡得啱啱好，味道唔會太甜，入口香滑，正～飲住奶茶配埋咖央多士就一級棒喇！