華樂冰室

營業中

休息中

呢間嘅嘢食好食，人少嘅時候啲姐姐仲會同你吹吓水，幾親切好開心，好有人情味。炸豬扒、炸雞扒、肉碎蠔仔米、沙嗲牛肉出前一丁麵都係我哋一般會叫嘅嘢，新鮮滾熱辣，每次都食得好開心好滿足。另外仲有沙嗲湯底、蕃茄湯底、烏冬、乾或者濕意粉可以選擇，盡顯香港茶餐廳嘅靈活百搭。佢哋嘅奶茶都沖得好好飲，香濃絲滑得來夠奶味。始終係茶餐廳，人多遊客多嘅時候會坐得冇咁舒服，但係真係街坊風味十足。算係我哋喺香港比較常去比較鍾意嘅茶餐廳。