中環茶記 (已結業)

今日喺中環見完客，已經過咗食飯時間 最好就係去嘆番個下午茶 ！行過見到中環茶記，裝修經典懷舊，一於去試下！全日早餐配多士有煎雞扒、煙肉、雞肉腸、炒滑蛋、茄汁焗豆、 炸薯餅和牛油多士，份量十足。 煙肉香脆油脂甘香，雞扒煎得外皮香脆肉質嫩滑，炒滑蛋細緻有質感！瑞士雞中翼3隻用瑞士汁滷得非常入味，甜中帶鹹層次分明，肉質軟熟入口即溶，開胃小食！咸牛肉蛋治烘底咸牛肉十分夠份量，嫩滑鮮甜牛肉味濃，咸度適中，加上炒滑蛋軟熟嫩滑，三文治烘底香脆有口感！懷舊紅豆冰紅豆冰 奶味香濃順滑，稍為偏甜，加入花奶混合十分搭配，冰涼美味！