Tapa Room (已結業)

佐敦有一間隱世食西班牙菜嘅樓上餐廳😍西班牙野最開心就係可以食到唔同嘅小食 因為佢哋嘅小食相當多款式 每樣事少少可以滿足試吓唔同嘅食物😊第一個小食係黑毛豬火腿茄子卷🍆Parma Ham入邊包住沙律菜同埋茄子 單睇賣相都已經好吸引☺️第二個小食係最signature嘅西班牙食物🍳西班牙薯仔蛋餅 好精緻 好睇又好食 配埋肉腸茸口感更加豐富而且肉腸味令到成個蛋餅嘅味道昇華💯🥪鵝肝比堅尼三文治 冇諗過鵝肝同三文治係可以整得咁好食 三文治切到好薄基本上烘完仲係脆口 加咗三文治反而冇咗鵝肝嗰飽飽濟濟嘅感覺👍🏻呢個檸汁白酒煮蜆非常清新 飽滿嘅蜆配埋甜甜嘅洋蔥簡直係絕配👍🏻到咗主菜我哋食佢傳統嘅西班牙慢烤乳豬蕃茄鍋飯 個乳豬皮真係不得了 外脆內軟 令人想encore嘅一餐飯🥰最後飲埋sangria 簡直係完美