第一郡 (已結業)

蟹膏番茄湯檬粉 70湯底好鮮甜，加上蟹膏嘅鮮味，同蕃茄嘅酸甜好夾，好推介大家試下。牛腩燉蔬菜 55配上法包，可以點汁食，但係個汁太甜，而且牛腩唔夠軟腍。越式法包 40 好正宗，有肝醬、扎肉同酸蘿蔔，法包好香脆，味道酸甜開胃。牛油果軟包 33牛油果份量好足，個包比法包軟身，更加啱我口味。凍滴滴咖啡 28好出色，香濃得來完全冇苦澀味，仲有淡淡果香 。牛油果沙冰 30用牛油果同牛奶打成，好足料，唔會太甜。斑斕綠豆糕 13香甜軟滑，要早啲來先有，好快賣哂。