越大哥 (中興新街) (已結業)

呢間係長洲既越南野真係第一次食，環境幾好，門口係落地玻璃設計，室內室外都有座位，好開揚感覺好舒服，唔係太熱果陣坐室外吹下天然風都唔錯。👏🏻越南春卷越南春卷整得好正宗，春卷皮好薄好脆，入面餡料爆滿，滿滿既豬肉碎，菜絲，仲有啲雲耳碎，口感好爽脆，配有酸汁可以點住黎食，酸酸地就更加唔會滯，完全唔油膩，整得好好！🫶🏻越大哥牛柳沙律配蒜蓉包呢知沙律都真係好多牛柳，牛柳絲肉質亦都好唔錯，唔會太腍又唔會硬晒，好有質感，沙律菜都好新鮮，再同香脆既蒜蓉包一齊食，簡直係一大享受！🙌🏻越式豬扒法包呢個真係好越南風味，包入面既餡料都係木瓜絲同紅蘿蔔絲，亦有啲菜絲，豬扒亦係煎香晒一舊舊咁切好放係包入面，麵包同時都係好軟熟，表面就焗脆佐，超正！