車仔麵之家

營業中

休息中

今日中午lunch既時候，同事問我一唔一齊食車仔麵，幫我買埋，我就搭埋佢單啦！睇到佢地既menu 選擇非常之多，麵底都有多種選擇！我就簡左河粉底，加香腸、魚蛋、冬菇！打開外賣，份量好足，湯底好香好濃郁，試左啖，唔會成口味精味！冬菇令我好surprise既係菇味好濃，入口軟彈有咬口，而且佢地用既醬汁好入味，好好味呢！佢地魚蛋一樣好出色，咬落好爽彈，唔會好粉！香腸都唔錯，用醬汁入左味，比平常好食！河粉抵讚既係唔會碎哂，好齊整，用快子食都好方便。另外同事叫左魷魚，墨丸，冬菇，大腸！也非常吸引，出左名咖哩魷魚，非常馳名。同事仲同我講呢度既甜酸薺都好出名，下次lunch 又多一個好選擇啦！