影片
更多
2023-09-15
236 瀏覽
去親韓國都必食嘅燉雞起香港好少有，前排睇影片分享網站介紹銅鑼灣有，一直都好想去食，今日終於有機會～平日晏晝1點幾去到，餐廳有提供lunch set menu，但我哋想成鍋滾滾下咁食就叫咗個韓式雞肉火鍋（2人份）$328店員先為我上前菜～醃蘿蔔甜甜地，唔酸唔太辣，都幾啱個人口味，涼拌大豆芽味道較淡個鍋一上枱見到勁多蒜好正咁，材料除咗雞之外，仲有年糕、薯仔、大蔥，店員建議我哋個鍋滾起後可以先飲湯、食年糕再食雞🐔個湯本身清清地，飲落好香大蒜同雞湯味，好惹味～雞肉好鮮，食落肉質彈牙，薯仔同年糕煲到好淋好入味先食幾正～食到7788其實都飽，但因為個湯太好味，我哋加多個刀削麵$40 嚟食，麵條口感爽彈，一定要加！！
平日晏晝1點幾去到，餐廳有提供lunch set menu，但我哋想成鍋滾滾下咁食就叫咗個韓式雞肉火鍋（2人份）$328
店員先為我上前菜～醃蘿蔔甜甜地，唔酸唔太辣，都幾啱個人口味，涼拌大豆芽味道較淡
個鍋一上枱見到勁多蒜好正咁，材料除咗雞之外，仲有年糕、薯仔、大蔥，店員建議我哋個鍋滾起後可以先飲湯、食年糕再食雞🐔
個湯本身清清地，飲落好香大蒜同雞湯味，好惹味～雞肉好鮮，食落肉質彈牙，薯仔同年糕煲到好淋好入味先食幾正～食到7788其實都飽，但因為個湯太好味，我哋加多個刀削麵$40 嚟食，麵條口感爽彈，一定要加！！
張貼
