貓抓烤肉

營業中

休息中

日式、韓式烤肉就食得多啦，重慶口味燒肉真係第一次食。大陸以貓貓為主題既超人氣烤肉【貓抓烤肉】終於黎左香港，3月23日就正式開幕。鍾意食辣食重口味的話，唔好錯過啊。 貓抓全明星拼盤：包括7種店鋪人氣肉品，貓抓藤椒雞、雪花牛、藤椒牛舌、秘製牛五花、蒜香豬五花、現拌牛肉、炭燒黑豬梅花肉。牛肉豬肉都嫩滑、調味香又有層次。推薦藤椒雞同現拌牛肉。 貓抓洋葱牛小粒：呢款可以叫店員幫忙燒，因爲都有D複雜。牛小粒非常軟嫩juicy，加醬汁腌料超級好食，而洋葱好鮮甜。推薦。 貓抓泡椒肥牛：最人氣肉品。泡椒特有香味可以中和肥肉既油膩，好香口惹味。 貓抓烤茄子： 3顆辣椒既烤茄子，酸辣惹味，茄子烤得軟霖。不過唔食得辣唔好叫，真係辣架。 貓草茶：用貓草加奇異果糖漿同椰果整成既特色飲品，非常不錯，而且好特別。 貓抓焦糖布丁：焦糖布丁好濃蛋香，上面仲有好可愛既貓爪布丁。 黑喵雪花冰：食完辣野最岩就係食凍野，雪花冰兩個人share一個岩岩好，黑喵係oreo加椰奶，好香，而且裏面都有餡。