渝人碼頭 (已結業)

究竟咩叫真正嘅重慶火鍋?!咪就係成個鍋底由重慶飛到你面前囉～呢間渝人火鍋，正正就係用重慶直送嘅火鍋湯底，所以辣嘅程度同香味都好嗆好多~今日揀咗嘅係鴛鴦鍋一邊係重慶麻辣，另人邊係日本松茸湯底。首先講一講個松茸湯底，湯落冇味精，好清好濃菇味，當一個湯嚟飲係絕對正確。而兩小碟嘅花生都好值得一試，辣味非常之勁，好野味。新鮮白鱔，好彈牙好爽口。寛條木薯粉，食麻辣一定要食呢個木薯粉，痴晒啲麻辣味喺啲粉入面，食到出曬汗咁，真係好滿足~貴妃蚌，爽口，配埋麻辣食可以增加鮮甜味。手打蝦滑，好彈牙蝦嘅味道都比較重。手打墨魚滑，墨魚味道都ok，起膠都做得唔錯。黑糖糍粑，糍粑係店長推介，我個人覺得係必食，咬落外脆又熱辣辣入面又好煙韌，加埋黑糖粉同黑糖醬，下次再嚟要食兩碟。