上海天龍樓

營業中

休息中

呢間係我由細到大都鐘意食嘅上海野。老板記得好似真係由上海移民來香港嘅人，本身原店起華富，不過而家轉左香港仔，坐落左應該有20幾年。環境因為細店所以比較擁擠，不過如果接受到，咁菜式的確幾正宗同好味。起23/10又走左去食，食左2人餐。小龍包皮薄肉厚，肉汁鮮美。酸辣湯因為加左木耳竹筍豬血蝦等，所以口感復雜酸辣，可口。燻魚甜甜地味，肉質硬硬地，幾特別下。賽螃蟹加上啲鎮江醋所以有蛋香味得呢有酸酸地點綴下。總體幾好味，推薦早到或者訂位，如果唔係有可能冇位，因為起街坊口中，佢算係公認好味出名。