阿詩瑪壹菌 (已結業)

天氣凍凍地，自然會諗住食辣野，去宜間餐廳就岩晒喇。宜間餐廳就主打雲南菜，兩個人叫左一個下午茶同小食。餐廳以雲南作主題，裝修當然有中國特色啦！《金牌小窩米線加豬扒》$58唔好以為下午茶份量會細左，小窩米線好大碗，亦好足料。豬扒醃得好入味，肉質鬆軟。我覺得酸辣度剛剛好，不會太酸，不會太辣。如果食得辣既朋友，可以係落單前，叫加辣。《即制菌湯小籠包》 $20下午茶餐加個小食，$20 叫到小籠包，其實好抵食。宜間餐廳既小籠包同一般小籠包有點不同，餡料除了豬肉，仲有野菌，提升小籠湯既鮮味。點解師傅會諗到加野菌呢？原來雲南係野菌王國。每一枱都有糯米香茶享用，而下午茶餐就會跟多款特飲，我叫左菊花蜂蜜，比較潤少少。