影片
更多
2016-01-21
711 瀏覽
Lunch time經過先發現原來銅鑼灣開咗黃枝記，咁啱想快食lunch然後去買嘢，真係啱曬！一個人食，簡簡單單一碗雲吞麵、兩件蘿蔔糕，加多杯野飲就搞掂！雲吞麵係黃枝記嘅鎮店之寶，睇番張墊枱紙嘅介紹先知道原來黃枝記嘅發源地原來係廣州，第一間店源自40年代，歷史悠久。後來佢搬咗去澳門嘅十月初五街，唔怪得之我成日覺得佢係澳門餐廳！雲吞麵（＄38）用的麵是正宗竹升麵，食落真係同普通全蛋麵的口感有分別。竹升麵真係可以用爽滑來形容，唔知普通面食食吓會淋晒。雲吞用鮮蝦做，入面包左起碼兩隻蝦，唔覺溝咗豬肉。雲吞皮薄餡靚，個皮好滑但餡料咬落又爽又彈牙！湯係蝦子清湯，好鮮，無鹼水味。不過飲完都係會有啲囗渴，唔可以飲太多。個人認為呢個雲吞麵比池記好食。正宗雲吞麵係比較細碗嘅，所以叫多個瑤柱蘿蔔糕（＄26）。以為會得幾條瑤柱，點知成個蘿蔔榚上面都鋪滿晒呢！瑤柱炸到好脆，配上淋淋地的蘿蔔榚啱啱好。跟榚有碟海鮮醬，我試左少少覺得勁鹹，都係點辣椒醬好味啲。野飲店員推薦自家製冰茶（＄32），其實係橙汁（有d似果汁先生）溝茶同冰。都幾refreshing嘅，特別係食完海鮮醬之後要怒飲…哈哈！不過我口味較淡，覺得有d甜
雲吞麵係黃枝記嘅鎮店之寶，睇番張墊枱紙嘅介紹先知道原來黃枝記嘅發源地原來係廣州，第一間店源自40年代，歷史悠久。後來佢搬咗去澳門嘅十月初五街，唔怪得之我成日覺得佢係澳門餐廳！雲吞麵（＄38）用的麵是正宗竹升麵，食落真係同普通全蛋麵的口感有分別。竹升麵真係可以用爽滑來形容，唔知普通面食食吓會淋晒。
雲吞用鮮蝦做，入面包左起碼兩隻蝦，唔覺溝咗豬肉。雲吞皮薄餡靚，個皮好滑但餡料咬落又爽又彈牙！湯係蝦子清湯，好鮮，無鹼水味。不過飲完都係會有啲囗渴，唔可以飲太多。個人認為呢個雲吞麵比池記好食。
正宗雲吞麵係比較細碗嘅，所以叫多個瑤柱蘿蔔糕（＄26）。以為會得幾條瑤柱，點知成個蘿蔔榚上面都鋪滿晒呢！瑤柱炸到好脆，配上淋淋地的蘿蔔榚啱啱好。跟榚有碟海鮮醬，我試左少少覺得勁鹹，都係點辣椒醬好味啲。
野飲店員推薦自家製冰茶（＄32），其實係橙汁（有d似果汁先生）溝茶同冰。都幾refreshing嘅，特別係食完海鮮醬之後要怒飲…哈哈！不過我口味較淡，覺得有d甜，唔知有冇得少甜㗎呢？同埋賣＄32其實幾貴。
睇menu發現有d澳門特色小食／潮食，好想試黑松露炒蛋葡國包同馬介休葡國臘腸炒飯！下次一定要搵多個朋友來陪我試晒佢地！
張貼
