韓正屋韓國料理 (搵食市集) (已結業)

黎到搵食市集，見到呢間韓國菜有好多人圍住，試下係咪真係咁好食所以咁多人幫襯先！由於太多人圍住counter,所以睇唔到到底有咩野食。好彩比我見到有外賣紙，所以就喺人群中行入去拎左張睇。食物種類都幾多，有小食、飯、麵、年糕，泡菜都有，價錢平民化！點左一份K21 韓式炒水晶粉絲($45)，R4雜錦牛肉拌飯（$48)，另外加左一罐韓式柚子樂。雜錦牛肉拌飯份量都幾多，而且配料豐富，有菠菜、青瓜、蘿蔔、紅蘿蔔同芽菜等等。配埋佢既辣醬拌黎食，好惹味！韓式粉絲一向係我既至愛，呢度既粉絲個份量唔算好多，亦無乜配料，當係小食非常唔錯，味道好好！