ZAN CHEE (新城市廣場一期) (已結業)

今次黎到沙田新城市廣場呢間zan chee既韓國野，真係大開眼界，估唔到香港都有咁正宗既韓式野，聽到店員都係講韓語既，有1，2個店員係雙語既，所以落單係絕對無問題既，店員仲好nice。仲有全部都係韓妹黎。泡菜絕對值得推介，辣度好有充勁，醬汁仲一d都少，啖啖泡菜都充滿住醬料，真係幾正。叫左個中既，份量都唔少。炸雞方面，叫左個原味無汁炸雞，都算係幾脆，叫外賣時都要等耐少少，應該係岩岩炸出黎，所以都算幾新鮮，總體都唔錯，d粉唔算係好多，所以食落都係啖啖雞肉。飯圈size岩岩好，個個都幾足料，食落有少少痴口都幾有口感，同埋有少少酸味同青新既青瓜，所以食落都幾開胃。韓國野黎講，呢間野都算幾正宗，味道唔錯，全店都係韓國人，真係信心既保證。