梨滿園韓國料理 (已結業)

好耐冇食韓國嘢，所以同朋友book咗呢度食飯。裝修正常，好有一般韓國餐廳嘅風味👍🏻我哋兩個人叫咗一個牛肉芝士石頭鍋飯同埋牛肉壽司卷👍🏻牛肉芝士石頭鍋飯味道好好，入面嘅配料都非常之多，一啲都唔馬虎，芝士嘅份量好足夠，撈完個飯之後每一粒飯都會有芝士係上面，仲做到拉絲嘅效果，超級邪惡又吸引😆再加埋啲辣醬落去一齊食，成個味道都好豐富，入面嘅牛肉本身都醃好咗，甜甜地配埋個飯一齊食味道好好。不得不提嘅係個石頭鍋熱到好足夠，就算啲飯已經擺咗十幾至20分鐘，食嘅時候都仲係好熱，抵讚👍🏻牛肉壽司卷味道亦都好好，入面有牛肉黃瓜蘿蔔青瓜等等，非常豐富，食入去嘅時候蔬菜嘅脆同埋牛肉嘅軟熟加埋一齊口感唔錯，牛肉有醃製過所以味道都好足夠。不得不讚嘅係呢度啲侍應服務態度都好好，會好貼心咁問我哋需唔需要豉油Wasabi，又會提我地加啲辣醬落石頭鍋飯會好食啲，或者同咩配菜一齊食會冇咁膩，非常抵讚😆