Bingo & Cook (港匯廣場)

營業中

休息中

今日同女朋友出咗尖沙咀行街，佢話想食韓國餐廳，就揀咗呢間由朋友介紹嘅。甜辣炸雞（半份）：炸雞肉質鮮嫩多汁，外皮炸得超酥脆，甜辣味道亦都啱啱好！韓式豬肉燒烤套餐：呢個豬肉燒烤真係口感超好，肉質入口即化，再加上韓式辣醬，還有旁邊配嘅小菜，搭配得好好，令到整體層次感更豐富，仲有專人幫你烹煮👍🏻仲有個泡菜湯附送。炸蝦海苔飯捲：鮮蝦炸得恰到好處，配上海苔同飯，口感超爽脆有嚼勁。加埋個醬汁，真係好夾，食完一件又一件。炒牛肉粉絲：牛肉粉絲炒得不錯，牛肉好嫩，粉絲亦都炒得入味，新鮮炒起仲出晒煙，整體味道均衡，食起上嚟好順口。