水源韓國料理 (已結業)

餐廳廚房同埋負責人都係韓國人，已經好期待食正宗嘅韓國嘢食。餐廳牆上邊寫滿左韓文，雖然唔知寫啲乜嘢但係好有特色。有杯麥茶，食飯嘅時候剔除少少油膩感，清一清口腔。韓式小菜韓式小菜有，醬油薯仔、涼拌芽菜、辣醬醃青瓜同捚泡菜。咁多個之中最鍾意食醬油薯仔。本身就咁食薯仔會好滯，但係佢甜甜地好容易入口，有啲似食一種小食咁。泡菜炒飯$78炒飯入邊有泡菜，雞肉粒，同埋洋蔥粒。個飯好有份量，好似足足有滿滿兩碗飯嘅飯量係到。辣度適中，好惹味。炒飯上邊有埋太陽蛋，留心嘅蛋黃同埋啲飯一齊食真係超正！蜂蜜醬汁炸雞$75（半隻）呢一個炸雞好好味，佢個皮完全唔油膩，食落去好脆。而且個皮沾滿晒醬汁，甜甜地鹹鹹地好開胃。炸雞嘅時間都掌握得好好，裏面仲係好Juice，啲汁仲有喺晒裏面。食落去唔會好柴同埋好乾。