辛安東元祖奶奶雞 (已結業)

依間奶奶雞已經由讀書開始食到依家出黎做都仲係係白布街屹立不倒😛😛🙈🙈咁多年每次幫襯都覺得好好食同埋抵食👍🏻兩個人叫半隻雞已經好夠👍🏻除左雞之外仲有其他配菜例如紅蘿蔔，薯仔等等，仲有最最最好食既薯粉😋😋每樣野都煮得好入味，薯粉吸哂d汁真係會不停食，非常之煙靭今次因為唔想太滯而無加到芝士，但見到隔壁枱叫都好似好好食，下次一定會再試😍餐廳環境坐得舒服，而且裝修都幾特別，都幾岩一班朋友去食🤭不過預左夜晚會多人要排隊。