新派韓食館 (已結業)

最近追韓劇神級秘書，勁想大啖大啖食韓式拌飯，終於今日好友話係大圍收工，即尋找附近有冇韓式餐廳，俾我搵到呢間。 去到，勁想食韓燒或部隊鍋，不過可惜既係，朋友感冒食唔到我想食既拌飯同熱氣野，點幾個中性點既野食，不過都叫做還我心願。 估唔到一間店細細都咁多野食選擇 ，下次要再黎食拌飯。 真露雞翼 ，同中式花雕醉雞好唔同，唔係好勁既酒味，反而食到雞肉好滑，連骨都勁入味，好快就消滅左呢碟野。 泡菜比例好 ，飯卷用既飯都係韓國果種黏性強既飯，叫做滿足我想食韓國飯既慾望。 海鮮煎餅脆脆地， 味道可能預左食佢個醬，所以偏淡。 不過就驅使左我去食果個醬，韓式味濃。 最後係我至愛既炒粉絲，味道偏甜，岩晒我口味，食肥牛炒，加上粉絲煙煙勒勒，yummy . 估唔到呢間小店既食物都咁有水準 真心要再去重溫韓國味 。