烏蠅館 (新都城中心二期) (已結業)

朋友話寶琳有間烤魚整得好出色，但係位置比較隱蔽，唔係咁容易搵到，所以今晚就帶我一探究竟！餐廳係近新都城戲院附近，舖頭位置唔算好多，但係尚算闊落。招牌香辣海鱸魚🐟喺三款魚入面，我哋就揀咗海鱸魚，貪佢比較少幼骨，可以大啖大啖咁食啲魚肉。而口味方面，就揀咗招牌香辣口味，辣到就揀咗最少，以我哋唔算太食得辣嚟講，呢個口味就啱啱好，推介！來食烤魚又點可以唔買下啲配菜呢，我哋揀咗幾款，包括：餃類雙併🥟，喺四款餃類入面揀咗鮮蝦雲吞同粒粒粟米餃，食得出係自家製，餡料好足，而且材料新鮮，值得一試！黑柏葉🌪️，估唔到份量咁多，喺出面多數都係食到白色嗰款，而呢款就算淥耐咗都唔會好韌，讚！四川寬粉🍜寬粉喺平時四川菜入面都好常見，我就鍾意佢嘅口感煙煙韌韌，飽肚得來又可以索晒啲湯，超正。白桃寒天綠茶🧃黑糖雪燕鮮奶🧋估唔到呢度嘅首條飲品有幾出色，就好似喺出邊飲到嘅台式飲品一樣，可以有唔同配搭，而且配料就更特別，例如有冰粉、雪耳、桃膠等等。