泰地道 (文苑樓) (已結業)

平時都會係呢區食野，見最近開左間泰國菜，一於拉男友試試，見門面裝修幾靚，坐低打開餐牌幾多選擇，不過2個人食唔多，店主就介紹招牌泰式三文魚沙律，好開胃👍🏻出面未食過呢種醬汁好特別。泰式生蝦用既係靚蝦肉厚爽彈，比其他泰國餐廳差好遠🍤仲有燒牛肉好惹味，肉汁豐富個醬汁調味啱啱好唔會搶左肉味，好似未夠喉但又怕太飽，店主就推介咖哩海鮮配蒜蓉包，海鮮好足料咖喱香濃，配外脆內軟的蒜蓉包真係十分夾😋最後食埋個芒果糯米飯就完滿結束了。整體味道好好，尤其醬汁調味方面拿捏得好，唔會隻隻都一樣味，而且食材新鮮足料，係而家出街食飯黎講，足料已經好難得😪服務方面上菜收碟有效率，而且店主超nice,見佢不斷問在座人客滿唔滿意，有咩意見，睇得出真係好有誠意既小店，我以後食泰國菜一定番黎呢度。