韓雅林

營業中

休息中

香港簡直係食韓國菜嘅天堂😆 炸雞，洋式韓食 ，新派韓燒等等多不勝數，反而傳統正宗又好味嘅韓國餐廳，真心唔算多☺️ 位於銅鑼灣廣場一期嘅韓雅林係我私心嘅推介🤩🤩 如果有食開韓國嘢嘅朋友都應該知道呢間餐廳喺銅鑼灣廣場已經一段好長嘅時間，佢嘅正宗韓國口味真係好多地方都食唔到架，而且餐廳地方又大， 仲有獨立房，可以坐到十幾人，朋友聚會一流👍👍呢度嘅主食好正宗，有一啲係出面真係食唔到，例如韓式古老牛肉，燒黃花魚，安康魚菜式等等，賣相都非常吸引😍 尤其是佢個名物，蛋拌生牛肉🤩🤩之前我去親一定會叫，可惜同行朋友唔食生野，真係唔識貨🙄好彩佢嘅韓燒都好出名，我哋都好滿意😃傳統韓國菜一定有前菜，前菜一共有九款，最特別係生泡菜，香辣爽脆，另外銀魚仔同埋茄子我都好鍾意🥰🌟韓雅林招牌牛肋骨呢度嘅招牌菜，新鮮嘅牛肋骨，諗起都流口水🤤職員會問你使唔使幫手燒同埋切開，非常細心😍😍 肉質非常好，千祈唔好燒得太熟呀。另外肉類點佢提供嘅麻油鹽或者韓式醬汁都好好食，餐廳仲會提供生洋蔥沙律配肉類食，又係另一種風味呀👍🌟韓雅林護心肉非常推介，一定要叫👍味道醃得好好，加埋本身護心肉少少煙韌嘅質感，送飯或者配生菜食一流🥰🌟烤雞肉通常傳