炭魚 (已結業)

今日突然想食麻辣野，所以老公就帶左我去北角炭魚，一嘗佢地既正宗地道麻辣食物。首先，我點了個清江魚，因為佢主要功效係去水腫，最岩我地女士成日都水腫。而味道方面就點了招牌香辣味，配料就叫了豆腐卜，木耳，寬粉，豆皮。今次，係我第一次用炭爐食烤魚，所以見到個炭爐真係好新奇，因為原來係將烤魚放上炭爐和配料，再係上面淋上大量的香辣醬汁。賣相不但吸引，而且更聞到強烈的辣椒味，未食已經令味雷跳動。這種慢煮方式，不但令魚肉控制得合時，而且還將魚肉的鮮味迫出黎，加上香辣的醬汁滲入魚肉之中，不得不令人很快已經把整條魚吃掉!此外，我地還叫了麻辣豬肚絲，聽講用了正宗的四川指天椒製作，所以辣道十足，還會有一種麻痺的感覺，真係令人上引。豬肚絲不但爽脆，而且在麻辣的夾雜下，真係會令人食到滿身大汗，不過食完過後會令你精神十足。最後，一定要介紹大家要飲蘆薈椰汁，因為很少見出面有得賣，除了有濃香的椰汁外，還有大量的蘆薈粒，兩者相夾之外，真係飲得出像飲成個椰青一樣。總括來說，喜歡食正宗麻辣食物的朋友，必定要來一試，因為這就是正宗的四川麻辣之道！