影片
更多
2019-08-20
23 瀏覽
老公知我鍾意食麻辣火鍋，今日專登帶我黎呢間火鍋店，因為佢話同事話比佢知呢間好好食好正宗。一入到去，佢個麻辣香味陣陣飄過黎，好香，聞到都流口水。呢度有d坐位仲可以望到海景，坐得都好舒服。未叫野食之前，店員攞咗碗冰糖雪耳紅棗糖水比我地潤喉，好貼心。我地叫咗個鴛鴦鍋，一邊普通辣湯，另一邊係大骨滋補鍋，辣湯果邊有大量辣椒同川椒粒，勁惹味，辣嘅啱啱好。而其他火鍋配料都係叫半份，可以試晒想袋嘅野。美國安格斯肥牛-d雪花紋好靚，肥瘦適中，食落好滑，overcook咗都唔會鞋口，牛魔王必點。手打三寶丸-分別有蝦丸、墨魚丸同牛丸，粒粒都爽口彈牙，果然手打唔同d,可以食到鮮味。鮮魚膘-店員好貼心，上枱時將魚膘剪開，避免煮果時爆開，呢款真係好少地方有得食，將佢放喺麻辣湯底果度煮，吸收晒湯嘅精華，食落好惹味。白鱔片-係好大條嘅鱔，塊塊都切到好大塊，食落好脆口彈牙，好鮮味。鮮鵝腸-上碟果時見到唔太肥，應該係佢地將d肥膏切走，啱晒我要求，唔想食得太肥，鵝腸淥一淥就食得，非常爽脆，完全冇酥味，好正。韮菜豬肉水餃-粒粒都好飽滿脹卜卜，好足料，d餃子片吸收晒d麻辣湯仲正。手打蝦滑-非常爽口彈牙，面頭仲有蟹子增加口感，好
一入到去，佢個麻辣香味陣陣飄過黎，好香，聞到都流口水。呢度有d坐位仲可以望到海景，坐得都好舒服。
未叫野食之前，店員攞咗碗冰糖雪耳紅棗糖水比我地潤喉，好貼心。
我地叫咗個鴛鴦鍋，一邊普通辣湯，另一邊係大骨滋補鍋，辣湯果邊有大量辣椒同川椒粒，勁惹味，辣嘅啱啱好。而其他火鍋配料都係叫半份，可以試晒想袋嘅野。
美國安格斯肥牛-d雪花紋好靚，肥瘦適中，食落好滑，overcook咗都唔會鞋口，牛魔王必點。
手打三寶丸-分別有蝦丸、墨魚丸同牛丸，粒粒都爽口彈牙，果然手打唔同d,可以食到鮮味。
鮮魚膘-店員好貼心，上枱時將魚膘剪開，避免煮果時爆開，呢款真係好少地方有得食，將佢放喺麻辣湯底果度煮，吸收晒湯嘅精華，食落好惹味。
白鱔片-係好大條嘅鱔，塊塊都切到好大塊，食落好脆口彈牙，好鮮味。
鮮鵝腸-上碟果時見到唔太肥，應該係佢地將d肥膏切走，啱晒我要求，唔想食得太肥，鵝腸淥一淥就食得，非常爽脆，完全冇酥味，好正。
韮菜豬肉水餃-粒粒都好飽滿脹卜卜，好足料，d餃子片吸收晒d麻辣湯仲正。
手打蝦滑-非常爽口彈牙，面頭仲有蟹子增加口感，好鮮味。
原來呢度午市仲有火鍋湯底免費，非常抵食。搵日午市時間再黎encore多一次。
張貼
