印豪印尼商店

營業中

休息中

屋企工人姐姐話我知，佢放假經常黎呢間印豪同啲同鄉開餐。今日經過附近，決定簡單啲買呢度嘅外賣返屋企做午餐。呢度都有得食三餸飯($40)？！當然餸菜換成印尼食品，我就叫左椰汁香料雞、薯仔同巴東牛肉。份量超大，滿到頂飯盒蓋。椰汁雞醬汁好香，雞肉都嫩口；巴東牛肉偏甜，薯仔調味帶香辣，一個飯盒三款味道，好豐富啊✨令我最驚喜係呢度嘅珍白酥肉丸湯米🍜 ($45)即係我地嘅豬肉丸！唔同嘅係每粒肉丸size超大，肉質比我地食開嘅鬆軟。最後係那渣醬沙律🥗 ($38)同我想像中不同，係沒有蔬菜水果之類嘅材料，而係將米飯煮成糕塊狀，伴以那渣醬味道辛辣🌶️來吃，嚴格來說係米飯主食🍚 大家有興趣可以嘗試一下呢個文化衝擊😆整體來說，呢度嘅食物價錢平，份量又大，亦都能夠品嚐到印尼風味。估唔到嘅係，我排隊時好多都係香港人嚟幫襯。隔離舖位係佢哋嘅印尼商店，裏面有好多印尼傳統食品買，元朗街坊可以一試。