Mee...lemongrass (已結業)

前排聽朋友介紹，話馬鞍山新港城， 有間食正宗嘅喇沙 叫我去試下，味道唔錯， 間舖叫做Mee..Lemon grass 咁唯有乘機唔煮飯， 一家三口去食下喇沙🤭 我哋早去，唔夠七點就到咗呢段時間唔使等枱， 我哋坐低一陣間就爆滿喇 好彩早到😂， 地方都算闊落可以擺bb車👍🏻我哋一坐低待應好快就拎餐牌， 我哋都好快就叫咗，MEE.. 喇沙 貪佢夠招牌😂, 果然黎到就大大碗， 足料👍🏻有 大蝦，蜆肉，蟹柳，魚蛋， 豆卜，雞蛋， 材料都算新鮮， 隻蝦 都彈牙嘅👍🏻， 佢個喇沙嘅面係油麵加米粉， 原來咁先至係馬來西亞正宗喇沙😱👍🏻， 另外我哋再叫埋， 無骨酸辣鳳爪沙律， 酸酸甜甜特別醒胃， 馬拉盞炒芥蘭， 鹹淡適中 芥蘭爽脆， 紅豆伯爵奶茶， 仲有粒粒紅豆有咬口 黑糖仙草鮮奶， 呢個我飲熱嘅 仙草仍然滑溜 奶味香濃 呢一餐好滿足 果然冇介紹錯👍🏻👍🏻