Mango Tree Kitchen (太古城中心) (已結業)

星期日嘅12點前嚟到，唔使排隊，但係我哋坐低冇耐，就見到要排長龍，真係好彩。匯豐信用卡有買一送一套餐，有晒前菜，龍蝦，甜品及飲品，望落好吸引，價錢亦都好抵，二話不說就叫黎試吓。前菜係扎肉米紙卷，正常貨色，唔會衰得去邊，安全穩陣。主菜係黃咖喱炭燒龍蝦撈麵，除咗龍蝦之外，仲有兩隻青口，同埋半隻半熟蛋。兩隻青口係熟到一個點， 龍蝦都有少少overcook，但係可以接受，反而最出色係隻半熟蛋，非常好味。至於黃咖喱撈麵，我略嫌佢太過淡，唔係好夠濃味。甜品嘅斑斕千層糕都幾好味，香茅茶就凍飲好過熱飲。價錢係抵食嘅，但係味道就真係一般。順帶一提，星期日12點前去到，得一個帶位，同埋一個侍應，所以係等咗超耐先有人嚟幫我落單。