唐宮小聚 (新港中心)

營業中

休息中

星期五放假同老媽子同女朋友👩🏻去左尖沙咀新港中心既唐宮小聚，其實我自己就第一次黎呢間餐廳🥸，因為係我聽老媽子大人🫅🏻建議先去，先講下間野既環境先，感覺到裝修想行高檔路線，但價錢又正常可接受喎，食物方面，我見到幾樣係我好鍾意食既野🤤，所以二話不說就點左黑金流沙包，沙田乳鴿🐥，我媽媽大人就想有d飯落肚，就叫左個大肚婆炒飯，但唔知點解係大肚婆呢🤰🏻😂而我女朋友就真係唔知係咪大肚啦🥹(個肚腩)就揀咗個酸酸甜甜既開胃餸-冰鎮咕嚕❄️🍍🐖，講下我鍾意食既野先，沙田乳鴿唔算大隻，都夠入味，唔洗落調味都好夠味👍🏻，黑金流沙包都好流沙下，不過食既時候真係小心，入面d流沙好熱，唔小心心急可能會辣親😂，個大肚婆炒飯就除左有d乾之外都唔太差既，鍾意濃味既我就覺得可以再鹹d🙈,個冰鎮咕嚕都幾精彩，外層夠脆，酸甜開胃，餸飯或就咁食都好食，最後賣單三個人4百幾，尖沙咀黎講差唔多架啦🤔