金田家

營業中

休息中

銅鑼灣登龍街由街頭到街尾都係餐廳，平時都成日過嚟食麵館皇同養生麵，呢間金田家都開咗好耐，今日就入嚟食個lunch。店舖環境都ok，枱與枱之間唔會好迫，我又早嚟食，所以坐得幾舒服。叫咗個濃厚豚骨拉麵，都幾快上餐。叉燒份量幾有誠意，總共有4塊，不過食落就乾咗啲，比較嚡口，肥膏部分亦相當少，所以少咗份油香。湯底就唔錯，睇樣都知夠濃，不過鹹咗少少，所以飲唔晒啲湯。加分位係上面嘅木耳絲，加返啲口感無咁單調。