康樂茶餐廳

營業中

休息中

今次我同老死去開呢頭，黎呢間茶記試下早餐。都係典型茶記一間，裝修幾新淨。我叫左個沙嗲牛米線餐、凍奶茶。而老死就揀左餐蛋腸米線。水準可以啦，大家睇圖都應該感覺得到。兩碗米線個湯都係典型得個咸字個種，但杯奶茶係唔錯既。不過侍應姐姐服務態度都幾好，又會同我地傾計。食既時候亦見到好多都係熟客仔黎睇下報紙同侍應吹下水，都算係地道溫馨茶記啦。如果有經常係附近出沒既朋友仔，都應該知道呢間餐廳晚上係好多老外飲啤酒、食小菜。據聞係因為老闆會有特別優惠俾佢地。下次行開行埋大家留意下，八到個exact優惠，係度update返小妹啦！