尚青商號 (已結業)

一向都好鍾意食台灣料理，尤其是依兩三年唔可以隨時話飛就飛，更加掛住台灣牛肉麵，蛋餅等等。今日就嚟到荃灣試吓，環境裝修都舒服，唔算好逼夾，亦都好光猛，乾淨衛生。我就叫咗一個半筋半肉既牛肉麵，仲有一個鴨血，另外飲品就叫咗白桃烏龍。首先講鴨血，唔知係咪因為我開門冇幾耐就到，鴨血完全唔入味，而且仲凍凍地，望落去顏色好吸引，實質完全唔辣同埋唔麻。失望。牛肉麵就唔錯，湯底好濃郁，牛肉亦都好多，炆得都好淋，入口即溶。麵條亦都掛湯，對得住價錢。三樣嘢之中最值得讚就係白桃烏龍冷泡茶😝好飲過外面嘅手搖店，好清香，有茶味之餘唔會太甜，大贊。整體來講，不過不失，價錢都合理，都會有下次的。