尚青商號 (已結業)

(自費食評) $118特色一人火鍋🙈台式午餐今天來到這間台式餐廳吃他們推薦的尚青一人小火鍋🔥個爐真係好細好迷你，不過可以慢慢打的，不夠湯的話他們會免費幫你加，炭精不夠也幫你加的服務不錯，冇黑面有禮貌的，本餐廳採用QR Code自助落單，網友們需要自行用手機落單方便快捷$118 尚青小火鍋，他們有四款不同湯底可以選擇，包括：紅燒牛肉鍋，蕃茄牛肉鍋，麻辣牛肉鍋，花雕牛肉鍋我們今次選擇了紅燒牛肉鍋，很濃味，不辣的，幾好他們的肉品有兩款：包括，豬梅花肉和牛小排。我們選擇了牛小排，幾新鮮，好鮮色有5-6塊，合理份量如果不吃牛肉，可以選擇豬梅花肉他們的配料有，包括：娃娃菜，小白菜，貢丸(一粒分半粒，他們叫兩顆)，豆腐(兩顆)，香腸(三片，比較細塊)，甜不辣(3條)，雖然不知什麼東西，但食落幾有口感，幾有咬口，幾正仲有，油炸鬼。配餐可選：珍珠米/冬粉(台版粉絲？)，好奇試下，原來冬粉是粉絲來的。選擇珍珠米建議冬粉份量麻麻地最後，餐飲可選：冬瓜茶(凍) 或 無糖烘焙烏龍茶(凍)配料感覺上多，但實際食落去不太多，剛剛飽，不錯的，大家不仿下次又來一試吧！

麻辣鴨血煲 配冬粉 $82鴨血煲上枱的時候係凍的，客人需要自行放冬粉煮熟，店員會拎酒精粒加熱個煲，大概用左3粒酒精總共大約15-20分鐘加熱 🤣如果肚餓想快啲食的話要考慮叫唔叫個煲啦🙈 但係好味的野係需要等待的🥰， 鴨血的份量勁多，差唔多成煲都係鴨血🤤，個湯底麻麻辣辣又有小小酸味，勁開胃👍， 冬粉又吸晒啲湯汁，勁惹味，會令人想一啖接一啖咁食！😋半筋半肉牛肉麵 $78牛肉同牛筋各有兩件，牛肉煮得岩岩好唔會過淋😆，食完牛筋的仲會成個嘴唇都會痴立立，勁豐富骨膠原😍，牛肉麵揀左手工寛麵，煙煙韌韌仲好掛湯，牛肉湯底味道又岩岩好，唔會過淡過咸😜🔺尚青商號 (荃灣)➡️荃灣兆和街16號和盛樓地下5號舖

被店舖裝修吸引了，進入餐廳環境感覺舒服，我們一家四口點了麻辣牛肉麵，鷄肉魯肉飯，椒鹽豬排鷄湯麵。每一份食品均配有2碟小食，今次配有黑木耳，黃蘿蔔。麻辣牛肉麵，不會太辣，而且唔會有濃濃既藥材味道，易入口，不過本人就覺得味道有小小甜，不過牛肉非常入味，而且夠冧，正。鷄肉魯肉飯，配有半隻溏心蛋及鰹魚片，相當出色。椒鹽豬排雞湯麵，椒鹽豬排好味，肉嫰多汁，椒鹽啱啱好，唔會太咸。整體環境，食物質素，工作人員各樣野都好好，可以再食。

【香港都品嚐到台灣家鄉味道·台灣料理🍴】/////自從係荃灣一間咖啡店聽講呢間台灣菜高汁就bookmark左😽🙌🏻平日夜晚人流唔算多 可以坐到卡位〰️餐牌有特色滷肉飯麵、飲品 仲有一人一鍋台灣火鍋🤪用QR Code落單要收加一服務費🫣但真係要讚女店員由收錢到送餐都係一手包辦!!繁忙時間嘅話要體諒一下(*¯︶¯*).配菜有幾塊醃蘿蔔以及雲耳 蘿蔔酸酸甜甜幾爽口 雲耳就正常發揮👉🏻椒鹽排骨雞湯麵 ($62)麵條可以簡幼麵或者手工寬麵 手工寬麵口感彈牙煙韌👍🏻 雞湯味道偏清淡 有香葱再調味有加分(⁎⁍̴̛ᴗ⁍̴̛⁎)而排骨份量比想像中多 炸粉粉漿厚度適中 加入椒鹽醃料非常惹味😻肉質結實但軟腍 脂肪部分都唔會太多😗👉🏻滷溏心蛋 ($12)蛋味非常香濃🥹切開會見到晶瑩透亮嘅蛋黃 咬下流心效果並未有太澎湃 期望流心效果可以更強～———📍尚青商號 (荃灣)荃灣兆和街16號和盛樓地下5號舖

Lunch 時間邊行邊諗食咩好，見到呢間新開既台式餐廳就入咗去試吓，叫左碗麻辣牛肉麵飲奶茶，奶茶比較古早味，冇咁甜，麻辣湯底好香，台式麻辣會重藥材味反而更易入口唔會太辣，飲左半碗湯越飲越香，牛肉同牛筋煮得夠淋又大件，3碟碗菜都唔錯

#flahsback 💛一路都知呢間餐廳既牛肉麵好食，可惜灣仔店成日麵排長龍..所以成日都搵唔到時間去幫襯👍🏻難得今次行完山臨走前見到佢！ 仲要無咩人！ 甘梗係要入去食下睇下好唔好味啦！首先係門面及餐牌，充滿特色，我望落去都應該會吸引我入去🫢 好多老虎喺度添🤣至於主食方面，我哋叫咗個牛牛牛 - 牛肉碎，牛筋牛腩飯！同埋呢一個好出色！ 肉碎好入味，牛腩好淋，牛筋入口即溶🥺 仲有半隻蛋添！ 食完好有滿足感🤭另外仲嗌咗個牛肉麵，佢個湯係好濃郁嘅，個面都好彈牙㗎，同埋好闊身，不過如果對比起個飯來講，我會鍾意個飯多啲😏層次感多啲～

一向都好鍾意食台灣料理，尤其是依兩三年唔可以隨時話飛就飛，更加掛住台灣牛肉麵，蛋餅等等。今日就嚟到荃灣試吓，環境裝修都舒服，唔算好逼夾，亦都好光猛，乾淨衛生。我就叫咗一個半筋半肉既牛肉麵，仲有一個鴨血，另外飲品就叫咗白桃烏龍。首先講鴨血，唔知係咪因為我開門冇幾耐就到，鴨血完全唔入味，而且仲凍凍地，望落去顏色好吸引，實質完全唔辣同埋唔麻。失望。牛肉麵就唔錯，湯底好濃郁，牛肉亦都好多，炆得都好淋，入口即溶。麵條亦都掛湯，對得住價錢。三樣嘢之中最值得讚就係白桃烏龍冷泡茶😝好飲過外面嘅手搖店，好清香，有茶味之餘唔會太甜，大贊。整體來講，不過不失，價錢都合理，都會有下次的。

好耐都無去過荃灣分店了~ 本身自己幾鐘意呢間小店係灣仔店都會去既~ 咁今次勁夜先去食~ 好在仲未CUT單~入到去拿拿聲叫野食紅燒半筋半肉湯泡飯 次次都係食麵，未食過呢度泡飯，加上個人黎講幾鐘意個湯頭~ ORDER泡飯就可以盡情飲下佢個湯~ 熱辣辣黎到~ 半筋半肉依然係好軟綿既肉~ 好正~ 入口滿晒個個牛味相當出色~ 而且飯粒我覺得口感好好，唔係煮到爛晒個D口感既米而呢度用既應該係台灣米(因為屋企食個隻都係台米)湯頭依然濃厚出色~配菜一樣咁好食//番茄半筋半肉湯麵 (幼麵)呢個湯底就加左番茄粒，但就覺得茄味唔夠灣仔店重味XD但肉質都係咁出色，麵依舊都係彈牙~好正~得閒係荃灣諗唔到食乜繼續黎呢度食XD

買左兩個主食，一個鹽蘇滷肉排骨飯，拎到反屋企食發現塊排骨上面熟，個低仲係生一咬落去爽既，再試下其他塊都係咁未熟加有雪氣味~完全唔可能咁樣疫情下更不能接受，離哂譜

未食點菜已經好熱～未食已經飽曬啦幾好食都無用⋯⋯卡位又窄自己點歺我老花～想叫多啲都眼到暈冇心機客觀因素已經扣晒分1.溫度2.空間3.服務以上三點～差無心機落單想幫襯多啲都冇藉口祝君好運

想念台灣的味道，無得去旅行唯有係香港搵間似樣嘅懷緬一下😆咁啱行開荃灣就搵間台灣麵食下~.📍尚青商號.🍜蕃茄半筋半肉手工寬麵 ($78) - 牛肉入哂味而且好夠淋，湯底好好飲🤣配埋微酸蕃茄同少少辣嘅酸菜好perfect，手工寬麵好有口感，係我杯茶啊🤍配菜仲有油炸鬼同黑木耳，加強左口感😌🍜椒鹽排骨雞湯手工寬麵 ($62) - 我家大佬話個湯好清，偏向淡口味~不過有啲香葱配搭下都幾正，椒鹽排骨醃得好入味，粉漿唔會太厚👍🏻

見到新聞，特意過來幫襯支持一下，裝修新淨舒適，坐得好濶落。叫左紅燒牛肉麵，擺盤有心機，賣相加左分👍紅燒牛肉食落都夠淋，牛筋就比較有咬口，味道適中，食落去係好舒服嘅。另外再叫左個鹽酥豬扒，外皮咸香鬆脆，豬扒都淋身唔係紙皮，食得出係即炸👍係荃灣黎講，佢價錢唔算最平，味道都未必係最好，但睇得出各樣野都好俾心機做，環境乾淨舒適，hea 下食碗麵飲杯野係唔錯嘅選擇👍如果飲品可以跟麵、飯，做番減$8-10，應該可以增加競爭力

疫情唔想出街食買個外賣試吓先個包裝好可愛😂 可以留返下次重用之前堂食試過麻辣鴨血冬粉牛肉麵香芋拿鐵～都好好食今次試吓新野～ ———————✈️————————-✈️——————🍄香菇滷肉飯～滷肉好香好入味，不過唔夠黏口～但個飯煮得好好，軟綿得來粒粒分明配滷肉無得頂*🥢呢碗乾撈麵，睇落平平無其～但麵條口感唔錯，唔無一pat粉，少許煙靭但最出色係佢個麻辣醬真係好好好味🥺🤤🤤 味香～！麻感重！亦唔會太辣～食完成嘴麻麻痹好過癮～我用咗少少，留返起可以自己煮麵配嚟食香芋拿鐵係每次必點～甜度剛好，芋頭又香，唔係粉溝出嚟，食完麻辣麵 再飲返啖～好Fresh🫰🏻~

心血來潮好想食餃子，喺度附近搵過，鎖定左呢一間餐廳，發現呢間餐廳主打嘅係台灣食品，但我見佢有餃子，都入去試試！餃子味道係唔差既，不過我鍾意煎餃或者湯餃多啲！份量對女仔來說ok,男仔就可能唔夠！

想試好耐，專登馬鞍山過來荃灣食佢。因為午餐時間去，我地就叫左兩個午餐set。🔸紅燒半筋半肉湯泡飯湯飯來講第一次食，份量夠亦配有非常入味既湯，跟餐有半隻糖心蛋，配是日小菜雲耳，鍾意食辣可以食咗一半再落辣，枱面有一樽辣椒油，打開個蓋已經聞到好香。😋🔸麻辣鴨血煲配冬粉二選一 配冬粉或者蓬萊米，上枱店員會叫我哋1分鐘後就可以放入冬粉，配是日小菜雲耳，湯底濃夠入味之餘唔會太辣，鴨血好入味，仲有凍豆腐吸晒啲湯，好正😋跟餐可加小食，我地加左椒鹽鹽酥雞+基隆甜不辣。新鮮熱辣，賣相出色，跟餐加份量都好多，食落勁有台灣味道👍🏽會再番來試其他野食值得推薦來食既一間餐廳👍🏽👍🏽