南小館 (青衣城2) (已結業)

同朋友們放工，約咗係青衣城食晚餐。朋友話想食下上海野，上網睇下個食評。好似有啲伏。但係又見都唔少人食。都膽粗粗去試下。咁入到去都點咗幾樣嘢。我個人覺得最好食係個年糕好煙韌，食耐咗都仲軟熟。小籠包都多汁。個手撕包菜，我就覺得酸咗啲啲。個四小拼嘅糖醋骨同烤麩入味好食😋老重慶擔擔麵微辣唔食得辣嘅人都應該接受到。蘿蔔酥都够酥脆但係蘿蔔餡少咗啲，冇咩蘿蔔味。至於服務方面，啲店員嘅態度都唔錯。我哋提出要熱水，牙籤都好快幫到手。試完之後，覺得呢一間食物同埋服務都係正常範圍之內。