霸嗎拉麵 (已結業)

放假突然好想食拉麵，甘岩今日岀銅鑼灣，就一於決定同男朋友去食個拉麵。本身都冇諗住食邊間好，但依間拉麵店開正銅鑼灣地鐵站岀面，而且”紅當當”既店面十分 eyes catching， 我地決定試試佢！我地一共叫左兩碗拉麵。 1. 辛辣炙燒豚肉味玉拉麵個辣味吾會太重而掩蓋左個骨湯味，肉比較淋身，整體不錯。我地係蛋控，每人都加左隻流心蛋。啲蛋都大大隻，中間咬落去都做到流心效果，不錯的！2. 雞叉燒味玉雞白湯拉麵雞湯味吾係好重，有啲似豬骨湯甘。雞叉燒太肥，仲諗住嗌雞冇普通叉燒甘肥，點知都係一樣，少少瘦肉連埋一大舊肥肉。女士們同我一樣吾中意食肥肉既話就要考慮下叫其他。