汝記牛雜魚蛋粉麵

營業中

休息中

行行下街心血來潮想食碗麵，見佢啲麵一碗都係三四十蚊，走左入去食碗南乳豬手麵$36。伙記送餐時，離遠見佢拎住一大一細嘅碗，以為啲豬手同麵係分開。嚟到就知，原來個細碗係用嚟裝骨，咁嘅操作唔常見，好多粉麵舖都係任由你吐落張枱之後再執，非常喜歡提供碗仔裝骨呢個做法，好衛生！講返碗麵，幼麵夠爽彈，湯底唔係好鹼水嘅感覺，豬手夠鹹，但南乳味唔夠香，唔夠豐富。豬手個質地唔會炆得太腍，以致冇左彈牙感。我諗叫得豬手嘅都係鍾意食佢嗰種爽口，特別係食筋。