平記麵家

營業中

休息中

聽人介紹嚟試一下，第一次食蝦籽麵滿心期待。除咗面頭第一啖食到少少蝦籽味之外，第二、第三啖都冇乜。同其他評論講嘅一樣，唔夠香。麵下面放咗油，傑傑地，唔知係咪豬油，一樣冇香味。撈埋之後更加食唔到蝦籽香，成碟麵偏凍，唔係好知食緊咩，而且味道好淡，食到成pat蝦籽先有啲味。清湯夠熱，好飲。雲吞細細粒，5粒左右，都好食。價錢不便宜，份量唔多，食完可以試埋附近嘅美食。如果當正餐嘅話就未必夠飽，叫做墊下肚唔肚餓。整體覺得普通、正常。