正斗海鮮火鍋館 (已結業)

天氣突然轉涼🌬 最啱一班人圍埋烚吓烚吓🥢 不過大家為咗研究去邊間食... 都討論咗成個星期😅 最後經非正統投票下，揀咗 正斗海鮮火鍋館 🥳 雖然 #小秘書 一向唔多鍾意落旺角，不過既然大家喜歡，一於跟大隊啦！對上一次幫襯 #正斗 已經係一年前嘅事，琴晚再次嚟到，場面熱鬧咗好多... 熱鬧到就嚟連自己把都聽唔到😫 再加上兩位事業心勁重嘅朋友仔遲大到，坐到8:00人齊已經係好好彩👉🏻👈🏻 可憐嘅我哋... 就由6:30坐到10:20先走得🥴 好在食物質素都唔錯❤️ #桶蠔 固然之係 #小秘書 嘅首選，隻隻大到掌頭仔咁，食落口感好甜美🥰 #芝士墨魚丸 啖啖墨魚肉，丸裡面仲有層流芯芝士，一粒丸就可以滿足大家兩個願望... 爽🤩 最後仲有新寵 #蜆芥炸鯪魚球 ，師傳採取 #即叫即炸 烹調方式... 無得輸呀🥳🥳 不過可惜個鴛鴦湯底唔夠味，沙嗲湯底淡茂茂咁😑 咁怪嘅🧐 不過成晚最驚嚇係食飽飽出到嚟，見到成班男仔喺對面馬路追逐，起初仲以為佢哋喺度玩... 但原來係成班人圍毆一個男仔😖 好在無幾耐已經聽到警車聲🚨 唉 都話咗無咩事少啲去旺角㗎啦👉🏻👈🏻