重慶燒燒烤旗艦店 (已結業)

以往食過嘅重慶燒都係有個爐俾你，跟住就自己燒咁嘅，而今次係你落order就可以，佢會幫你燒埋，非常好😂😂咁我就叫左燒豬頸肉，多春魚，韮菜，牛仔骨，墨魚丸，雞全翼，司華力腸同雞煲。首先最估唔到嘅係同時有雞煲食，而入面嘅配料都好多，令到成個雞煲都好香。 之後燒牛仔骨亦都係非常細心，因為佢黎嘅時候係已經切細左一粒粒，食得好方便。 而且一向燒多春魚都係會燒得好乾，而呢個都唔會燒得好乾，燒得幾好。 仲有係司華力腸，無論去到邊度食串燒，都係必叫的👍🏻👍🏻 韮菜嘅質素亦都好高，因為有啲會燒到韮菜好乾好韌，而呢個就唔會。 而其他嘅食物都不過不失啦，叫做正常發揮。