Crepe Delicious (Urban Cafe)

營業中

休息中

呢個意粉好味呀，食到creamy既味道但又唔會溜，配搭小小洋蔥火腿更加夾，意粉都唔會太淋太硬，煮到爽口既口感。炸芝士意式燉飯，外面炸皮唔厚加上炸得脆口，然後裡面既芝士意式燉飯唔會過咸、飯粒都煮到岩岩好，呢個可以叫必點。雞翼併盤，蜜糖味同辣味，因為同朋友分享，所以我只係食左辣味，唔會太辣，辣醬只係另外加上雞翼面，所以無左醬，就同雞翼原本既味一樣，但佢炸得夠脆身，而架入面有肉汁，所以水準都算高，但108有點略貴，可以去番其他鋪頭食雞翼。荔枝梳打，正常梳打燒豬肋骨，唔會燒得太乾，調味都足夠，薯條都夠脆。呢個棒子醬配上小小燒焦既棉花糖好味呀。鹹既crepe，唔太推薦呢個，因為牛油果同雞肉食落比較清淡同fresh,喜歡重口味既我下次會叫比較濃味的。