慶麵 (已搬遷) 新店位置

黎依度完全係一時興起! 係同朋友行行下街餓餓地，見到有間賣麵食既鋪頭，覺得可以一試，於是就入左黎，估唔到尋到寶! 兩條友，都唔係好大食，於是喊左個胡椒生煎包，同埋一個招牌慶麵! 招牌慶麵最引入注目既，就係面頭一小撮炸蔥! 雖然唔算好脆口，但都幾香! 而雲吞，就唔係平時食開既豬肉雲吞，而係有魚肉餡，所以個味道格外唔同，有多啲鮮味，感覺特別! 麵條同湯底相比起雲吞同埋個炸蔥就有啲失色，但都係水準以上! 但今日最最最大既驚喜係生煎包! 因為真係好脆口，同埋一咬落去即刻有肉汁飛濺出來! 平時食開既生煎包就算做到脆同埋肉汁，但皮多數幾厚，但依個生煎包真係皮薄，脆口，肉汁，餡足，全部做齊哂，真係好正! 一定可以排入我生平食過最好既生煎包既top 3，不得了!