老鍋台式火鍋 (京都廣場) (已結業)

老鍋下的米線除咗暖笠笠想一大班朋友打邊爐 都仲可以揀一兩個人叫碗米線暖下胃朋友唔嗜辣 情迷養生嘅藥膳湯底 睇住佢一啖湯一啖肉咁幾乎見底🤣肥牛同蛋餃都好夾 又夠juicy另外我自己就一向鍾意辣嘅揀咗麻辣湯 對佢秘製兩個字都可以講得上零抵抗力果然無失望加上吸湯汁嘅響鈴同埋我最愛嘅花枝丸 湯底就無飲晒啦 但成碗米線一條不剩🤣補充番個米線同兩個湯底都好夾 唔鍾意米線嘅都仲可以轉白飯 加錢更加可以有烏龍麵同新竹米粉揀！總有款岩你😊嘢飲方面大家可以揀自己喜歡嘅味道 我自己覺得都幾多選擇 推薦俾大家喺呢度果茶都好啱飲