丸亀製麵 (iSQUARE國際廣場)

營業中

休息中

今日想去食日本野,依間之前食過一次覺得佢幾特別,所以就決定入左黎。好彩唔洗點排隊。入到去覺得都幾特別,差不多同自助形式一樣, 首先就揀左個豚肉烏冬, 之後就當然要試下佢個天婦羅, 但所有炸野都放哂出黎,好似好多,不過就驚佢放得耐唔夠熱,揀好野食先比錢,都幾特別,但都係鍾意坐低叫個種感覺,價錢其實都幾公道既。之後就有個醬料櫃加配料,有部分唔係太岩食。加左自己鍾意食個d醬料就番埋位。講講個湯底先, 味道就咸左少少, 但都幾濃既,不過就唔夠鮮甜,依個要扣小小分,豚肉方面就份量十足,幾好味,都幾鬆化但又唔會無哂味,但都係覺得咸左少少,唔通我熱氣?個烏冬就單調左少少,不過都夠滑,夾埋d配料,就岩岩好,如果你鍾意濃d既話,仲可以加好多。