影片
更多
2022-11-12
75 瀏覽
#陳儀興牛什粉麵之前有唔少網友都話依間係旺角既牛雜粉麵店質素幾好，所以今日特登過海試吓。中午十二點前到，仲有好多位，但冇幾耐已經接近滿座。店唔算好大，裝修唔錯。慣例叫牛雜麵多蔥，$40，係食過最貴一間。份量正常唔算大碗，餐牌上寫到明牛雜有乜野冇花假。整體牛雜都幾唔錯，金錢肚比較淋身，牛膀牛肺都係正常水準。牛腸都帶肥，唯一係食落有少少苦味，可能處理得未太好。麵質都係正常，湯底夠濃夠味唔會過咸，有少少口乾但冇叫野飲，加埋要$50就唔太值。感覺講得最多兩個字就係正常，因為真係正常冇特別。可能之前食得太多牛雜麵，而家食落覺得間間差唔多，單計食物$40係有點貴，當然地區租金係唔同。我覺得行過旺角想食吓冇所謂，但就唔需要特登去試。陳儀興牛什粉麵 (鴻祥大廈)旺角煙廠街1-3號鴻祥大廈地下E號舖@foodiehck2022 #港飲港食平靚正 #旺角 #牛雜麵 #午餐
之前有唔少網友都話依間係旺角既牛雜粉麵店質素幾好，所以今日特登過海試吓。
中午十二點前到，仲有好多位，但冇幾耐已經接近滿座。店唔算好大，裝修唔錯。
慣例叫牛雜麵多蔥，$40，係食過最貴一間。
份量正常唔算大碗，餐牌上寫到明牛雜有乜野冇花假。整體牛雜都幾唔錯，金錢肚比較淋身，牛膀牛肺都係正常水準。牛腸都帶肥，唯一係食落有少少苦味，可能處理得未太好。
麵質都係正常，湯底夠濃夠味唔會過咸，有少少口乾但冇叫野飲，加埋要$50就唔太值。
感覺講得最多兩個字就係正常，因為真係正常冇特別。可能之前食得太多牛雜麵，而家食落覺得間間差唔多，單計食物$40係有點貴，當然地區租金係唔同。
我覺得行過旺角想食吓冇所謂，但就唔需要特登去試。
陳儀興牛什粉麵 (鴻祥大廈)
旺角煙廠街1-3號鴻祥大廈地下E號舖
@foodiehck2022 #港飲港食平靚正 #旺角 #牛雜麵 #午餐
牛雜麵
$40
9 瀏覽
0 讚好
0 留言
張貼
