Pom's Diner (已易手)

傍晚收完工約左朋友去旺角行街，點知俾人放飛機，見搭車去到佐敦就睇下有咩可以醫下肚。出左地鐵站逛左陣見到呢間就入左去試下。入到去個格調似係情侶約會的場合多d，暗暗地幾浪漫，入面情侶都幾多下，等左5分鐘就入得，係外面就見到dinner set的d9好似幾正，係牛尾千層面。不過就叫完等左15分鐘先有，可能咁岩焗緊。黎到果陣勁香芝士同蕃茄味，食落芝士係好多同拉到好長，蕃茄都新鮮，不過應該都有d蕃茄汁，但整体都幾好食，面有三層，一層同一層間有番茄醬，同最底有好諗的牛肉，你由上插落去食會每一口都有牛肉，不過就有少少細粒，但都有牛味。我果個係個餐包個餐湯同蒜蓉包，餐湯係洋蔥冬菇湯，有d咸不過好多冬菇厚絲，無咁咸會好d。蒜蓉包脆的同夠蒜香，不過得一塊有d唔多夠喉。食完個餐都好飽算係正常價，服務態度都幾好waiter有笑容。