阿來客棧雞煲火鍋 (已結業)

今日同朋友喺銅鑼灣想搵雞煲火鍋食，搵到一間叫阿來客棧雞煲火鍋，見好就腳就去咗食。入到去就見到餐廳裝潢充滿中國特色。枱之間會有店員拉低一塊簾隔開，坐落都好大空間好舒服。餐廳播放舊時香港流行曲，十分有風味。一坐低就有熱茶同醬料提供，十分貼心。馳名重慶辣雞煲係阿來客棧嘅招牌菜之一。啲雞肉鮮嫩多汁，配埋重慶特色嘅麻辣調料，口感豐富又惹味。我哋叫咗半份特級手切肥牛，份量好多，啲牛嘅口感嫩滑，食落都好香牛味。脆炸午餐肉炸得啱啱好，外層酥脆，內裡保持咗肉質嘅鮮美。鮮花枝片煮完之後保持海鮮嘅鮮甜同充滿彈性嘅口感。蔬菜方面叫咗唐生菜同萵筍，份量都算多。唐生菜味道鮮甜，萵筍爽脆。如果你鍾意食雞煲火鍋，呢間餐廳絕對值得一試！