阿元來了 (已搬遷) 新店位置

作為新界人既我，去邊都要一個鐘。所以真係好少出港島，講到西營盤，真係甘大個女都未黎過。但作為一個專業食貨既我，當然邊度有好野食就去邊啦。所以今日無懼有長長陡坡同炎炎烈日，一於黎阿元來了朝下聖先。下午時間都唔算多人，店面都唔多位。台灣料理必食三寶，魯肉飯，蚵仔煎，甜不辣。甜不辣其實同關東煮差不多，但台灣就多左米血糕，無咩味，但贏左口感夠煙un。企鵝造型魚蛋都彈牙，係嘴入面跳下跳下。蘿蔔好lum好入味，個汁真係好好味。魯肉飯同台灣一樣，細細碗，滿滿的魯肉，有肥有瘦，肥滋滋既五花肉煮到入口鬆軟，唔會過咸。配上酸蘿蔔唔會食到膩。魯水汁滲透白飯，香軟 熱辣辣晚白飯一口接一口，完全停唔到。瞬間飯就見底了。蚵仔煎，見到好多雞蛋，好香蛋味。而且青菜都好足，口感又豐富左。蚵仔都幾多粒，唔腥。醬料份量岩岩好，可以食左原有既鮮味。價錢合理，味道有家既感覺。幾時會係新界開間分店呀？