肉餅哥小炒料理 (已結業)

上網見到肉餅哥既推廣，就被多款肉餅吸引住，心思思好想食，所以夜晚特登入大圍美林幫襯下。因為晚市真係好多人幫襯既關係，都要等左好耐，大概廿分鐘，就唯有一邊等一邊睇住餐牌先。點知而家個餐牌應該之前調動過，結果晚市已經無左勁多款肉餅，咩椒鹽肉餅、好多特色既都無左，好失望。得翻三四款最貴既，掛住肉餅個名但客人黎到無肉餅食，都唔知似咩⋯⋯唯有叫芝士流心肉餅同老干媽肉餅。芝士流心肉餅飯，四方形既肉餅，有相當既厚度，中間夾住芝士，煎完岀黎就流心，肉味岀！老干媽肉餅係蒸既，肉味一樣十分夠。老干媽既汁都好好味，撈飯一流。總括而言，肉餅質素係好既，奉勸各位想試肉餅既朋友午市去會多好多肉餅揀！